Biz bu mavzu ostida namoz o'qish qoidalarini o'rganamiz. Buning uchun «Yangi asr avlodi» nashriyoti tomonidan chop etilgan "Men ham namoz o'qiyman" kitobidan foydalanamiz.
Bir kunda besh vaqt namoz o'qish voyaga yetgan va aqli hushi joyida bo'lgan har bir musulmon erkak va ayol uchun farzdir. Namozni uzrsiz tark etish katta gunoh. Shuning uchun har bir musulmon namoz o'qish qoidalarini yaxshi o'rganib olmog'i lozim. Quyida namoz va unga bog'liq masalalar alohida mavzularga bo'lingan holda sizlarga havola etilmoqda.
Namoz o'qish qoidalari haqida Toshkent Islom Universiteti Ziyo studiyasi tayyorlagan videofilm.
Намоз ўқийдиганларнинг фазилатлари
Намоз ўқишнинг фазилатларини баён қилувчи ва уларга бериладиган савоблардан суюнчилар берувчи ҳадиси шарифлар беҳисобдир. Абдулҳақ бин Сайфуддин Деҳлавий ҳазратларининг “Ашиъот-ул-ламаъот” исмли китобларида намознинг аҳамиятини билдирувчи ҳадиси шарифлар нақл қилинган бўлиб, уларда бундай деб марҳамат қилинган:
1. Абу Ҳурайра «родияллоҳу анҳ» ривоят қиладилар. Расулуллоҳ “саллаллоҳу алайҳи ва саллам” айтдиларки: «Беш вақт намоз ва Жума намози келажак Жумагача бўладиган гуноҳларга; Рамазон рўзаси эса келажак Рамазонгача қилинадиган гуноҳларга каффоратдир. Бу ибодат, катта гуноҳдан тийиладиган кимсаларнинг кичик гуноҳларининг кечирилишига сабаб бўлади». Бу ибодатлар орасида қилинган гуноҳлар ичида қул ҳаққи бўлмаганлари, ўша ибодатларнинг ҳурматига ювилиб кетади. Кичик гуноҳлари ювилиб бўлгач, катта гуноҳларга бериладиган азобларнинг енгиллатилишига сабаб бўлади. Катта гуноҳларнинг кечирилиши учун алоҳида тавба қилиш ҳам керак. Катта гуноҳлари бўлмаса, унда бу ибодатлар унинг даражасининг ортишига сабаб бўлади. Бу ҳадиси шариф “Саҳиҳи Муслим”да билдирилган. Беш вақт намози қусурли бўлганларнинг кечирилишига, Жума намозлари сабаб бўлади. Жума намозлари ҳам қусурли бўлганларниг кечирилиши эса, Рамазон рўзасига боғланади.
Theme by Danetsoft and Danang Probo Sayekti inspired by Maksimer
